Oahpput máhtu vuođul

Ámmátlaš oahpaheaddjeskuvlejupmi lea 60 oahppočuoggá ollisvuohta, mii lea dárkkuhuvvon ámmátlaš oahppolágádusaid ja ámmátallaskuvllaid oahpaheddjiide ja sidjiide, geat áigot bargat oahpaheaddjin boahttevuođas. Skuvlejumi bokte don basttát oahpahit máhttovuđđosaččat iežat suorggi oahpaheaddjin.

Min oahppin don sáhtát studeret soddjilit olles- dahje oasseáigásaččat ja dan dihte skuvlejupmi heive bures čađahuvvot maiddái barggu oktavuođas. Oahpporiekti bistá 3 jagi, muhto sáhtát studeret iežat áigedávvala mielde maiddai 1-3 jagi áigge dahje jođánabbot. Geasse-, čakča- ja giđđalohkanbajit dahket vejolažžan studeret birra jagi.

Skuvlejupmi ollašuvvá máhtu vuođul ja din ovdalis háhkkon máhttu váldo vuhtii. Oahpuid áigge don dievasmahtát, čájehat ja juogát iežat máhtu ja studeret ođđa áššiid persovnnalaš oahppoplána vuođul. Jos barggat jo oahpaheaddjin, sáhtát čájehit ja dievasmahttit máhtu iežat barggu bokte.

Sáhtát ohcat skuvlejupmái, go dus lea ámmátallaskuvlla dahje ámmátlaš skuvlejumi oahpaheaddji virggiide gáibiduvvon skuvlejupmi ja bargovásáhus. Vuođđonjuolggadussan lea, ahte dus galgá leat heivvolaš allaskuvladutkkus ja unnimusat 3 jagi bargovásáhus iežat bargosuorggis. Spiehkastahkan sosiála- ja dearvvašvuođasuorgi, mas gáibádussan lea bajit allaskuvladutkkus dahje heivvolaš allaskuvladutkkus ja 5 jagi bargovásáhus.

Válljenvuođustusat 2019

» Geahča dás oahppin válljema vuođustusaid oanehaččat
» Geahča dás dárkilat rávvagat jagi 2019 oahppin válljema vuođustusaid birra 

Elektrovnnalaš ohcan Opintopolku-neahttabálvalusas

Sáhtát ohcat skuvlejupmái 8.-29.1.2019 Opintopolku.fi -neahttabálvalusas, mas fertet deavdit suomagielat dahje eŋgelasgielat ohcanskovi. Ohcanskovis sáhtát váldit davvisámegielat studerenvuohki (sierraválljejun joavkku).Ohcanskovvi lea aktiivvalaš 29.1. dmu 15 rádjái (Suoma áigge)

Davvisámegielat sierraválljejun joavku

• Studeanttat válljejuvvojit beare sin joavkkus, geat leat ohcan dán skuvlejupmái. Ohcci skuvlensuorgi ii váikkut válljemii. Jovkui válljejit 10 studeantta ohcančuoggáid vuođul.

• Oahpahus lea davvisámegielat ja gáibádussan lea buorre davvisámegielat njálmmálaš ja čálalaš giellamáhttu. Davvisámegielat skuvlejupmi álgá, jos jovkui leat doarvái ohccit. Válljejuvvon studeanttat sirdásit eará joavkkuide, jos davvisámegielat skuvlejupmi ii ollašuvage.

• Oahppojoavkku várás áigetávvalii lea várrejuvvon 19 oahpahusbeaivvi.

• Oahput álget lagasoahpahussan Anáris 6.-7.9.2019. Dáid beivviid maŋŋá bargovuohkin leat eanaš reálaáigásaš webinárat. Webináraid dárkilat áigedávval šiehtaduvvo ovttas studeantajoavkkuin ja plánemis mii váldit vuhtii árbevirolaš ealáhusaid áigedávvalat (omd. bigálusat).

• Webinárain studeanttat oahpahit nuppiideaskka máŋggabealat neahttaoahpahusmetodain oahpaheaddjeskuvlejupmái gullevaš sisdoaluid. Studeanttat plánejit webinárat iehčanassii iežas jovkkožiin.

• Gáiddusoahpuin gáibiduvvo diehto- ja kommunikašuvdnateknihka vuođđomáhttu ja návccat aktiivvalaš vuorrováikkuhussii iešguđetlágan oahppobirrasiin.

• Studeanttat dárbbašit USB-bealljehasmikrofovnna, web-kamera ja neahttaoktavuođa, mii doaibmá njuovžilit. Studeanttas ferte leat prográmmaid sajáiduhttinriekti iežas dihtorii.

• Oahput leat plánejuvvon bistit ovtta lohkanjagi, muhto studeanta sáhttá čađahit oahpuid persovnnalaš oahppoplána vuođul 1-3 jagis.

Lassedieđut: 

tomi.guttorm@oamk.fi
+358 50 5926805